O‘zbekiston Respublikasi Prezidentining 2021-yil 16-iyunda “Oliy ta’lim tizimidagi ustuvor vazifalar muhokamasi”ga bag‘ishlangan videoselektor yig‘ilishida belgilangan vazifalar ijrosi hamda yangi 2021-2022-o‘quv yiliga tayyorgarlik bilan bog‘liq holda o‘quv ishlari prorektori H.Qo‘shiyev tashabbusi bilan Guliston davlat universitetida ta’lim sifatini oshirish bilan bog‘liq holda “Yangi 2021-2022-o‘quv yili va o‘quv jarayonini raqamli elektron tizimga o‘tkazishga tayyorgarlik oyligi” tashkil etildi.
O‘tkaziladigan oylik davomida professor-o‘qituvchilar uchun Kredit modul tizimi, HEMIS va boshqa raqamli elektron dasturlarini mukammal o‘rganish hamda ingliz tilini o‘rganish yo‘nalishida ko‘nikmalar hosil qilish bo‘yicha har bir kafedra kesimida o‘quv kurslari yo‘lga qo‘yildi.
Oylik davomida ta’lim, fan va ishlab chiqarish integratsiyasi tizimida klasterli yondashuvlarga asoslangan innovatsion “O‘quv-ilmiy komplekslar” tashkil etish maqsadida kafedra, fakultet va universitetni strategik rivojlantirish rejalari ishlab chiqish bo‘yicha amalga oshiriladigan ishlar yuzasidan chora-tadbirlar rejasi ishlab chiqildi. Bunda ta’lim sifatini oshirish bilan bog‘liq holda kafedralarning ishlab chiqarish korxonalari va muassasalar bilan hamkorligini yo‘lga qo‘yish va ishlab chiqarish korxonalarida kafedra filiallarini tashkil etish bo‘yicha kelishuvlar hamda hamkorlik shartnomalari yo‘lga qo‘yilishi belgilangan.
O'zb
Rus
Eng
Abituriyentlarga
Talabalar
Yangiliklar
E'lonlar
Til markazi
IJODIY IMTIHON
