Kirish

22–23-iyun kunlari Axborot texnologiyalari va kommunikatsiyalarini rivojlantirish vazirligining Sirdaryo viloyati hududiy boshqarmasi,
IT-Park, Sirdaryo viloyati hokimligi va viloyatdagi oliy ta’lim muassasalari hamkorligida viloyatda ilk bor talabalar va iqtidorli yoshlar o‘rtasida xakaton ko‘rik-tanlovi o‘tkazildi. Ko‘rik-tanlov viloyat yoshlari, shu jumladan oliy ta’lim muassasalari talabalari ishtirokida xavfsizlik, ta’lim, sog‘liqni saqlash, transport, kommunal va xizmat ko‘rsatish sohalarini o‘z ichiga olgan “Smart siti” loyihasi bo‘yicha tashkil etildi.

Ko‘rik-tanlov yakunida eng yaxshi loyihalarni taqdim etgan 3 ta jamoa g‘olib deb topilib, ularga viloyat hokimining qimmatbaho sovg‘alari va sertifikatlar topshirildi.

Quvonarlisi 1-o‘rinni 1 kurs magistrant O‘rozboyev Mirjalol yetakchiligida jamoa va 2-o‘rinni Amaliy matematika va informatika yo‘nalishi 3-bosqich talabasi G‘aniyev Temurbek yetakchiligidagi jamoalar qo‘lga kiritishdi.

Mazkur musobaqa ekspert hakamlari tarkibida Yuldashev O‘lmasbek va Nuriyev Mansurlar ishtirok etishdi.