Guliston davlat universiteti Madaniyat saroyida “Yoshlar orasida giyohvand vositalarning tarqalishiga qarshi kurash” mavzusida targ‘bot tadbiri tashkil etildi. Tadbirni Yoshlar masalalari va ma’naviy-ma’rifiy ishlar bo‘yicha prorektor F.Niyazov kirish so‘zi bilan ochib, respublikamizning barcha hududlarida, ayniqsa yoshlar orasida giyohvandlik va narkotik moddalarning ijtimoiy-salbiy oqibatlari to‘g‘risida huquqiy targ‘ibot tadbirlari o‘tkazib borilayotgani, tadbirdan ko‘zlangan asosiy maqsad haqida qisqacha gapirib o‘tdi. Tadbirda Sirdaryo viloyat IIB, yoshlar o‘rtasida huquqbuzarliklar profilaktikasi guruhi rahbari Mansur Boyeshonov, Sirdaryo viloyat IIB, JQB o‘ta muhim ishlar bo‘yicha tezkor vakili Bekzod Turdimurodov va Sirdaryo viloyat Narkologiya dispanseri shifokori Alibek Xakimovlar so‘zga chiqishib, bunday tadbirlarni o‘tkazishdan ko‘zlangan asosiy maqsad aholi, ayniqsa yoshlar o‘rtasida sog‘lom turmush tarzini tadbiq etish, narkotik moddalarning noqonuniy aylanishi bilan bog‘liq muammolarga jamiyat e’tiborini qaratish, aholi, ayniqsa yoshlar orasida giyohvandlikning salbiy oqibatlari haqida ogohlikni oshirishga qaratilgani, giyohvandlik og‘ir va o‘ta og‘ir jinoyatlarning sodir etilishiga, oilalar va millat genofondining buzilishiga sabab bo‘layotgani, giyohvandlik vositalarining ta’siriga ko‘proq ota-onasi va jamiyatning nazoratidan chetda qolayotgan yoshlar tushib qolib, oqibatda turli jinoyatlarga qo‘l urayotgani, giyohvandlikka qarshi kurash barchamizni birdek o‘ylantirishi lozimligini dildan his qilishimiz, yurtimizning har bir fuqarosi bu masalaga o‘zining Vatan oldidagi, qolaversa, oilasi, farzandlari oldidagi burchi sifatida qarashi zarurligini ta’kidlab o‘tdishdi.

 Shundan so‘ng talabalarga giyohvand moddalar va narkojinoyatlarning salbiy oqibatlarini yoritib beruvchi “Ajalga elituvchi yo‘l” mavzusidagi videorolik namoyish etildi.

          Kun tartibidagi masalalar yuzasidan talabalar tomonidan berilgan savollarga mutaxassislar tomonidan batafsil javob berildi.