Guliston davlat universiteti rektori M.T.Xodjiyevning fakultetlar va yo‘nalishlar kesimida universitet talaba-yoshlari bilan har o‘quv yilida ochiq muloqot shaklda uchrashuv o‘tkazishi yaxshi an’anaga aylangan. Bu yil ham, mazkur an’anaga muvofiq universitet rektorining talaba-yoshlar bilan ochiq muloqot shakldagi uchrashuvlari bugun-05.03.2022-yildan start oldi.

            Bugungi uchrashuv Gulsiton davlat universitetida bu yil yangi tashkil etilgan Tibbiyot fakulteti talaba-yoshlari bilan bo‘lib o‘tdi. Unda asosiy masala-kuni kecha, 04.03.2022-yilda Muhtaram yutboshimiz tomonidan o‘tkazilgan-Oliy o‘quv yurtlari talabalari bandligini ta’minlash bo‘yicha ustuvor vazifalarga bag‘ishlangan videoselektor yig‘ilishida berilgan topshiriqlar ijrosiga, shuningdek, o‘quv jarayonlarini yanda yaxshilash, darsdan tashqari ma’naviy ishlarni tashkil etish kabi dolzarb masalalar yechimiga yo‘naltirildi. Tadbirda talaba-yoshlar tomonidan bildirilgan har bir takliflar o‘rganib chiqillib, ko‘tarilgan masalalar yechimi uchrashuvning o‘zida hal etildi. Universitet rektorining talaba-yoshlar bilan uchrashuvlari davom etmoqda.