Kirish

Bugun: 19.03.2022-yil sanasida Guliston davlat universiteti rektori M.Xodjiyevning Jismoniy madaniyat fakultetida ta’lim olayotgan talaba-yoshlar bilan ochiq muloqot shaklidagi uchrashuvi bo‘lib o‘tdi.

            Mazkur ochiq muloqot uchrashuvida talabalar bandligini ta’minlash, ularni o‘qish va o‘qishdan bo‘sh vaqtlarini mazmunli o‘tkazish uchun yaratilgan sharoitlarni yanada yaxshilash masalasidagi takliflari eshitildi. Rektor taklifiga ko‘ra sportchi talabalar tomonidan darsdan so‘ng sportning Boks, Karate va Taekvando turlari bo‘yicha mahalliy aholi va qiziquvchi yoshlar uchun pullik o‘quv kurslari tashkil etiladigan, ushbu markazlarda talabalarning o‘zlari murabbiylik qilib faoliyat yuritib, maosh olish imkoniga ega bo‘ladigan bo‘lishdi. Mazkur taklif talabalar tomonidan xursandchilik bilan kutib olindi, ushbu taklifdan ruhlangan sportchi qizlar badiiy gimnastika va yengil atletika bo‘yicha ham pullik mashg‘ulotlarni yo‘lga qo‘yishni taklif qilishdi.