Talaba-tyutor-mahalla raisi- yoshlar bilan yangicha ishlash tizimi muhokama etildi
Guliston Davlat Universiteti

Bizning shior: Universitet obro'si har bir professor o'qituvchi, xodim va talabaning or-nomusi, iftixori va vijdon ishidir.           Asosiy maqsadimiz: Eng yetuk universitetlar qatoridan joy olish!           Ilm bir shu'la, dilga tushgan on Shunda bilursankim, ilm bepoyon...
Talaba-tyutor-mahalla raisi- yoshlar bilan yangicha ishlash tizimi muhokama etildi

2022-yilning 09-sentabr sanasida Guliston davlat universiteti Ma’anviyat va ma’rifat markazida universitet tyutorlari, yoshlar bilan ishlash va ma’naviy-ma’rifiy masalalar bo’yicha dekan o’rinbosarlari hamda Mahalla fuqarolarii yig’ini raislari o’rtasida hamkorlik aloqalarini yanada mustahkamalash, “talaba-tyutor-mahalla raisi” tizimidagi ishlash mexnizmini joriy qilish maqsadida ochiq muloqot shaklidagi uchrashuv tashkil etildi. Mazkur uchrashuvga “Mevazor” MFY raisi X.Boyzoqov, "Bo’ston" MFY raisi O.Mamadaliev, “Istiqlol” MFY raisi B.Inatullaev, “Buyuk Kelajak” MFY raisi O.Xolmurodovlar taklif etildi.

        Mazkur tadbirni universitet rektori, universitet Ma’naviyat va ma’rifat Kengashi raisi professor M.Xodjiev olib bordi. Universitet rektori o’z chiqishida ijaraga joylashgan GulDU talabalarining ko’p sonli qismi Guliston tumanining “Mevazor”, Guliston shahrining “Bo’ston”, “Istiqlol” va “Buyuk kelajak” mahallariga to’g’ri kelganligi sababli, aynan mazkur mahalla raislari bilan guruh tyutorlari o’rtasida hamkorlikni mustahkamlash maqsadida bugungi tadbirga mahalla raislari ham taklif qilinganligini, ijara asosida yashayotgan talabalar sharoitlarini muntazam o’rganib borish va huquqbuzarliklar profilaktikasi birinchi galdagi vazifa bo’lishi lozimligiga to’xtalib o’tdi.

        O’z navbatida mahalla raislari ham so’z olishib, talaba-yoshlar bilan ishlash jarayonida  universitet jamoasi bilan faol hamkorlik qilishga tayyor ekanliklarini, taklif qilinayotgan mazkur yangicha tizimni doim qo’llab-quvvatlashlarini bildirib o’tishdi.

        Universitet profilaktika inspektorlari A.Usmonov va S.Tursunboevalar ham talaba yoshlarni ijaraga joylashtirishda e’tibor qaratilishi lozim bo’lgan jihatlarga, jumladan tur-joy mulkdorlarining axloqiy sifatlariga, yashash joyida o’rnatilgan muhitning sog’lomligi va talabalar xulq-atvoriga ta’sirini inobatga olish yuzasidan o’z takliflarini bildirishdi.

        Universitetning Yoshlar bilan ishlash, ma’naviy va ma’riy masalalar bo’yicha 1-prorektori, dotsent F.Niyazov so’zga chiqib, talaba-yoshlar bilan ishlash jarayonida asosan ularning bo’sh vaqtlarini mazmunli o’tkazish, talaba-yoshlarni mahalla raislari tomonidan mahallalarda tashkil etiladigan turli ma’naviy, sport tadbirlariga ham jalb qilish borasida o’z takliflarini bildirdi.

        Tadbir yakunida universitetda yangi tashkil etilgan Yoshlar murabbiysi, professor R.Mahmudov talaba-yoshlar bilan muloqot qilish, ularning muammolarini tezkorlik bilan o’rganib, to’g’ri qaror chiqarish usullari to’g’risida fikr bildirdi.

        Tadbir yakunida mazkur formatdagi ochiq muloqotlar sonini ko’paytirish taklifi barcha ishtirkchilar tomonidan ma’qullandi.

227 | 2022-09-10 11:30
Sayt bo'ylab izlash
Harakatlar strategiyasi
Ishonch telefonlari

0 (367) 225-41-76

Universitet rektoriga murojaat
Adliya vazirligining "Huquqiy axborot" kanali
DTM Sirdaryo viloyati bo'limi kanali
Telegramdagi talabalar kanali
Edu.uz (rasmiy kanal)

Guliston davlat universiteti (GulDU)
Telefon: (0367) 225-40-42
Faks: (0367) 225-42-75

Manzil: Guliston sh. 4 mavze
Jamoat transporti: 2-4 yo'nalishdagi avtobus, universitet bekati
Email: glsu_info@edu.uz
Saytimizdan ma`lumot ko`chirilganda guldu.uz manba sifatida ko`rsatilishi shart.

Saytda xatolikni ko`rsangiz, xatoni belgilang va "CTRL+ENTER" tugmalarini bosib ma`muriyatga xabar bering!


Powered by Anvar Abduqayumov 2022