Mitingda tibbiy madaniyat targib etildi

Joriy yilning 15 noyabr  kuni O’zbekiston “Adolat” SDP Boyovut tuman Kengashi tomonidan “Aholining tibbiy madaniyatini oshirish –davr talabi” mavzusida saylovoldi targ’ibot tadbiri tashkil etildi. Partiya faollari, deputatlar, bo’lajak saylovga ko’rsatilgan nomzodlar, keng jamoatchilik – o’qituvchilar, shifokorlar, nafaqaxo’rlar, haydovchilar, talaba-yoshlar ishtirok etgan mazkur tadbir tuman “Madaniyat va istirohat bog’i”da o’tkazildi.
Bugungi davr har bir kishidan yuqori tibbiy bilimga ega bo’lishni talab etmoqda. Zero, tibbiy ko’nikma va bilimlar kishini sog’lom turmush tarziga undaydi. Tadbirga yig’ilgan ishtirokchilarning e’tibori shu va boshqa fikrlarga qaratildi. Tuman partiya Kengashi raisi saylovoldi dasturida aks etgan yo’nalishlar va muammolarni hal etish bo’yicha ilgari surilayotgan g’oyalar xususida axborotlar berdi. Jumladan, partiya aholiga bepul va sifatli tibbiy xizmat ko’rsatish ishlarini takomillashtirish bo’yicha aniq dastur va g’oyani olib chiqayotganligi ta’kidlandi. Inson organlari transplantatsiyasi bo’yicha ham qonun yaratilishida partiya o’z tashabbusini ilgari surayotganligi aytib o’tildi. Bu qonun amaliyotga joriy etilsa, ko’plab fuqarolarning mushkuli bartaraf etilishida, murakkab donorlik operatsiyalarini chet davlatlarga bormasdan ham o’zimizning mamlakatimizda amalga oshirish mumkinligi tadbir ishtirokchilari tomonidan yuqori baholandi.
Shuningdek, har bir inson o’z sog’ligi muhofazasi bo’yicha jiddiy ahamiyat qaratishi, o’z-o’zini nazorat eta borishi, turli hil kasalliklarning oldini olishda tibbiy bilimlarini o’stirishi lozimligi e’tirof etildi. O’z navbatida partiya quyi tizimida faoliyat yuritayotgan boshlang’ich partiya tashkilotlari bu borada aholiga yaqindan yordam ko’rsatib kelayotganligi ma’lumot sifatida keltirib o’tildi.  
Tadbir davomida yangragan kuy-qo’shiqlar miting qatnashchilariga yanada ko’tarinkilik bag’ishladi. Siyosiy bilimlarni oshirish maqsadida savol-javoblar o’tkazildi.

189 | 2019-11-20 09:21
Sayt bo'ylab izlash
Virtual qabulxona
Ishonch telefonlari
0 (367) 225-41-76
Universitet rektoriga murojaat
'Huquqiy axborot' kanali
DTM Sirdaryo viloyati bo'limi kanali
Edu.uz (rasmiy kanal)

Guliston davlat universiteti (GulDU)
Telefon: (0367) 225-02-75
Faks: (0367) 225-40-42

Manzil: Guliston sh. 4 mavze
Jamoat transporti: 2-4 yo'nalishdagi avtobus, universitet bekati
Email: glsu_info@edu.uz
Saytimizdan ma`lumot ko`chirilganda guldu.uz manba sifatida ko`rsatilishi shart.

Saytda xatolikni ko`rsangiz, xatoni belgilang va "CTRL+ENTER" tugmalarini bosib ma`muriyatga xabar bering!


Powered by Anvar Abduqayumov 2019
  • Kirish

    Login
    Parol
    Ro'yxatdan o'tish