Guliston davlat universitetida 2021-yil 22-fevraldan boshlab “Ijodkor yoshlar” haftaligi boshlandi. “Ijodkor yoshlar” klubi aʼzolarining dastlabki ijodiy koʻrgazmasi va taqdimot marosimi o‘tkazildi. Universitet foyesida tashkil etilgan ko‘rgazma yoshlarni va professor-o‘qituvchilarni o‘ziga jalb qildi. Taqdimot marosimida Guliston davlat universiteti rektori, texnika fanlari doktori, professor Muhsin Xodjiyev, professor Ravshanbek Mahmudov, prorektor Faxriddin Niyazov, klub bosh koordinatori Temur Abdullayevlar ishtirok etishdi. “Biz sizlarga har tomonlama suyanamiz. Siz bizning tayanchimizsiz. Sizdagi milt etgan iste’dod ham universitetimiz obro‘sidir. Sizday farzandlarni tarbiyalagan ota-onalaringizga ming rahmat”, - deya o‘z fikrlarini bildirgan rektor har bir talaba bilan alohida suhbatlashib, ko‘rgazmalar bilan tanishdi.

⚡️"Ijodkor yoshlar haftaligi" davom etadi.

Safimizga qoʻshiling, tadbir va loyihalarimizda ishtirok eting va sovrindor boʻling🏆

👉 @Ijodkor_yoshlar_klubi

Ijtimoiy tarmoqlarda baham ko'ring