Guliston davlat univesitetining professor H.H.Qo‘shiyev rahbarlik qilayotgan “Eksperimental biologiya” laboratoriyasida Angliyalik hamkorlar bilan birgalikda tuproq tarkibini raqamli tahlil qilish va tuproq tarkibidagi elementlarning ekvivalent nisbati hamda o‘simliklarni biologik xususiyatlari asosida “aqlli o‘g‘itlash” dasturi yaratildi.

Ushbu yaratilgan innovatsion texnologiyada tuproqning tarkibi elementar to‘liq tahlil qilinadi va elementlarning miqdori hamda ekvivalent nisbatlari e‘tiborga olingan holda tegishli miqdor va tarkibga ega bo‘lgan eleentlar kompleksi bilan muvozanatlashtiriladi. Tarkibiga ko‘ra muvozanatlashtirilgan tuproqqa ekiladigan o‘simlikning biologik xususiyatlaridan kelib chiqqan holda oziqlantirish uchun tegishli ozuqa tarkibi, me’yori, muddati taklif etiladi. Oziqlantirish me’yori va muddatlarini tavsiya etishda sug‘oriladigan suv tarkibi, beriladigan mineral va organik o‘g‘itlarning sifat hamda elementlarning miqdoriy tarkibi ham e’tiborga olinadi.

Ushbu yaratilgan innovatsion texnologiyada tahlillar so‘ngi rusumdagi va yuqori aniqlikdagi uskuna va qurilmalarda olib boriladi. Tahlil va beriladigan takliflar tez, aniq va kafolatli.

Ijtimoiy tarmoqlarda baham ko'ring