Guliston davlat universiteti “Tabiiy fanlar” fakulteti “Kimyo” kafedrasi tomonidan “Tabiiy birikmalardan sanoat va qishloq xo’jaligida foydalanish istiqbollari” mavzusida Respublika  ilmiy - amaliy anjumani o’tkazildi. Anjumanda xorijiy davlatlardan (Rossiya, Ukraina, Germaniya) mutaxassislar, O’zbekistonning ko’plab oliy ta’lim muassasalari, ilmiy-tadqiqot institutlari va ilmiy markazlaridan olimlar, tadqiqotchilar, doktorant va magistrlar hamda yosh tadqiqotchilar ishtirok etishdi. Anjuman yalpi yig’ilishidagi ma’ruzalar,  jumladan:

1.“Glubokaya pererabotka kornya solodki i razrabotka na ego osnove lekarstvenno’x

   preparatov”  -  Matchanov A.D. – O’zR FA  akad. O.S.Sodiqov nomidagi Biorganik kimyo

   instituti, “Tajriba texnologiyalari” laboratoriyasi mudiri,  k.f.d., professor.

2. “ Immobillangan organik reagentlar yordamida og’ir metallarni aniklashning

   sorbtsion- spektroskopik usullarini ishlab chikish ” - Smanova Z.A.-O’zMU, “Analitik

   kimyo”  kafedrasi mudiri,  k.f.d., professor.

3. “Sirt yuzalar kimyosi instituti haqida”- mazusida Andriyko L.S.- Ukraina milliy fanlar akademiyasi A.Chuyko nomidagi “Sirt yuzalar kimyosi instituti” kat. il. xodimi  k.f.n

4. “Tabiiy birikmalardan qishloq xo’jaligida foydalanish istiqbollari”  Qo’shiev H.H.- 

    GulDU “Eksperimental biologiya laboratoriyasi mudiri”, b.f.d., prof.

5. “Evropa makkajo’xori parvonasi  “Ostrinia nunilalis Hbn” ning ozuqaga moslashishi 

    Allaeva L.F.- Germaniyaning Hohenheim Universiteti tadqiqotchisi (Stuttgart, Germany).

1. Jizzax davlat pedagogika instituti professori, k.f.d., prof. Yaxshieva Z.Z.

    “Tabiiy fanlarini o’qitishda ta’lim integratsiyasi va innovatsiyasi” haqidagi

    ma’ruzalar qizg’in baxs-munozaraga sabab bo’ldi va mamlakatmizning ijtimoiy va

    iqtisodiy rivojlanishining dolzarb masalalarini hal etishda muxim deb topilganligi uchun ushbu ma’ruzalarni xorijiy nashriyotlarda chop etish bo’yicha tavsiyalar berildi.

Anjuman ishida:

O’simliklarining o’sish va rivojlanishiga ta’sir etuvchi omillarni idora etishdagi hamda atrof – muhit muxofazasidagi muammolar, shuningdek, farmatsiya sanoati va qishloq xo’jaligi mahsulotlarini tayyorlash, saqlash va ularni qayta ishlashdagi muammolar  echimini topishning ilmiy asoslari belgilandi;

Tabiiy birikmalar asosida sanoat chiqindilari hamda ikkilamchi resurslarni qayta ishlash texnologiyalarini har tomonlama yuksaltirish borasida erishilgan, ilmiy asoslangan tajribalar ommalashtirildi;

O’simliklarning o’sishi va rivojlanishida ekologik zararsiz bo’lgan tabiiy birikmalardan foydalanish asosida chetdan keltiriladigan kimyoviy preparatlar miqdorini kamaytirish hamda tirik organizmga, atrof muhitga zararli ta’sir etish xususiyatiga ega bo’lmagan tabiiy birikmalardan foydalanish istiqbollarini rejalashtirishda ahamiyatlidir.

Anjumanda mamlakat ijtimoiy va iqtisodiy rivojlanishining dolzarb masalalarini hal etishda mavjud ilmiy-texnologik salohiyatdan samarali foydalanishga yo’naltirilgan ilmiy-innovatsiya faoliyati bo’yicha ilg’or maxalliy va xorijiy olimlarning tajribalarga asoslangan tavsiyalar taklif etildi. 

Tabiiy kimyoviy birikmalar asosida tuproq unumdorligini oshirish, qishloq xo’jalik o’simliklarini o’sishi va rivojlanishiga salbiy ta’sir etuvchi omillarni bartaraf etish, atrof – muhitga zararli ta’sirlarning oldini olish kabi muammolarni hal etish imkonini beradigan himoya preparatlarini ishlab chiqish uchun samarali texnologiyalarga asoslangan tavsiyalar berildi.