14.08.2021-yil sanasida Gulsiton davlat universitetini tamomlagan 137 nafar yoshlarga magistrlik diplomlarini tantanali topshirish marosimi o‘tkazildi. Unda universitet rektori, professor M.Xodjiyev ishtirok etib, yosh magistrlarni qo‘shaloq bayram: Magistraturani muvafaqqiyatli tamomlaganliklari va jonajon diyorimiz Mustaqilligining 30 yilligi bilan tabrikladi. Magistrlarning kelgusi ishlarida, xususan ilmiy va ilmiy-pedagogik faoliyatlarida zafarlar tiladi.

          Diplom topshirish marosimi chinakam yoshlar bayramiga aylanib ketdi. Tadbirda bitiruvchilar va ularning ota-onalari so‘zga chiqishdi. Yosh magistrlar o‘z chiqishlarida tajribali ustozlari o‘gitlari va yo‘l-yo‘riqlari ko‘magida ikki yil muddat oralig‘ida ilmiy  izlanishlar olib borgan holda, mehnat bozorida har tomonlama talablarga javob bera oladigan yetuk, raqobatbardosh kadr bo‘lib yetishish uchun olg‘a intildilganliklarini quvonch va katta hayajon bilan so‘zlab berishdi.

Amaliy harakatlar pirovardida bugun ular orasidan turli davlat mukofotlari sohiblari, tanlovlar g‘oliblari, yosh ixtirochilar, sport ustalari, ilmiy salohiyati yuqori bo‘lgan kadrlar yetishib chiqdi.