30-avgust kuni Guliston davlat universitetida yangi tashkil etilgan Tibbiyot fakulteti o‘quv binosining ochilish marosimi bo‘ldi. Unda Guliston davlat universitet rektori professor M.Xodjiyev, Sirdaryo viloyati sog‘liqni saqlash boshqarmasi boshlig‘i R.Yuldashevr, Tibbiyot fakulteti dekani, tibbiyot fanlari nomzodi F.Shernazarov va tibbiyot xodimlari so‘zga chiqishdi.

          Muhtaram Prezidentimizning 12.11.2020-yildagi “Birlamchi tibbiy-sanitariya yordami muassasalari faoliyatiga mutlaqo yangi mexanizmlarni joriy qilish va sog‘liqni saqlash tizimida olib borilayotgan islohotlar samaradorligini yanada oshirish chora-tadbirlari to‘g‘risid”gi №6110-sonli Farmoni asosida 2021/2022 o‘quv yilidan boshlab mavjud ehtiyojdan kelib chiqib Guliston davlat universitetida tibbiyot fakultetlari tashkil qilindi.

          2021/2020 o‘quv yilidan boshlab universitetning Tibbiyot fakultetiga ikkita yo‘nalish: Davolash ishi va Pediatriya ta’lim yo‘nalishlari bo‘yicha davlat qabul parametrlariga ko‘ra 50 nafar o‘rin ajratildi.

Ijtimoiy tarmoqlarda baham ko'ring