Guliston shahrida “Oqila ayollar” harakatining yil sarhisobiga bag‘ishlangan tadbir bo‘lib o‘tdi. Unda viloyat hokimi vazifasini bajaruvchi Akmaljon Maxmudaliyev, hamkor tashkilotlar vakillari, otinoyilar, xotin-qizlar faollari, jurnalist va blogerlar ishtirok etdi.

Viloyat rahbari nutqi davomida mamlakatimizda xotin-qizlarning huquq va qonuniy manfaatlarini himoya qilish davlat siyosati darajasiga ko‘tarilganini ta’kidlab, ularni muammolari, dardu tashvishlari bilan shug‘ullanadigan adolatli va samarali tizim yaratilganini aytib o‘tdi.

Tadbirda, «Oqila ayollar» harakati a’zolari tomonidan yil davomida amalga oshirilgan ishlar yuzasidan ma’lumot ham berildi. Unda Guliston davlat universiteti Xotin-qizlar Kengashi raisi N.Sultonova viloyat hokimi tomonidan tashakkurnoma va esdalik sovg‘alari bilan taqdirlandi.

Guliston davlat universiteti ma’muriyati N.Sultonovaning erishgan natijalari bilan qutlab, uning keying faoliyatida zafarlar tilaydi.

Ijtimoiy tarmoqlarda baham ko'ring