Avval xabar berganimizdek, Guliston davlat universiteti rektori M.Xodjiyevning fakultetlar va ta’lim yo‘nalishlari kesimida talabalar bilan ochiq muloqot shaklidagi uchrashuvlariga 24.10.2023-yil sanasida start berilgan edi.

25.10.2023-yil sanasida navbatdagi ochiq muloqot uchrashuvi Tabiiy fanlar fakulteti talabala-yoshlari bilan tashkil etildi.

   Universitet rektori talabalar bilan birma-bir suhbatlashib, ularning fikrlarini, taklif va e’tirozlarini o‘rganib chiqdi. Ko‘p sonli talabalar tomonidan dars jarayonlarini nazariya va amaliyotni o‘zaro bog‘lagan holda tashkil etish taklifi yuzasidan shu yerning o‘zida mas’ullarga ko‘rsatma berilib, yaqin kunlar ichida amaliyot darslari ishlab chiqarsh korxonalarida tashkil etiladigan bo‘ldi. Bundan tashqari, universitet rektori tomonidan Kimyo kafedrasi qoshida tashkil etilgan “Kimyogarlar klubi” faoliyatini kengaytirish va universitetda mavjud issiqxonaga qo‘shimcha yangi issiqxona barpo etishni, uning faoliyati yuritishida talabalarni keng jalb qilish taklifini ilgari surdi.

  Bugungi ochiq muloqotda prorektorlar, bo‘lim boshliqlari, kafedra mudirlari, tyutorlar ham talabalar bilan bevosita muloqot olib borishdi. Universitet rektorining talaba-yoshlar bilan ochiq muloqot uchrashuvlari davom etmoqda.