Avval xabar berganimizdek, Guliston davlat universiteti rektori M.Xodjiyevning fakultetlar va ta’lim yo‘nalishlari kesimida talabalar bilan ochiq muloqot shaklidagi uchrashuvlariga 24.10.2023-yil sanasida start berilgan edi.

01.11.2023-yil sanasida navbatdagi ochiq muloqot uchrashuvi Raqamli iqtisodiyot va innovatsiyalar fakulteti talaba-yoshlari bilan tashkil etildi. Universitet rektori talabalar bilan birma-bir suhbatlashib, ularning fikr va takliflarini o‘rganib chiqdi. Ular bilan odob-axloq, ichki tartib qoidalar borasida suhbatlashdi. Muloqotda talabalar tomonidan o‘quv jarayonini ishlab chiqarish bilan bog‘langan holda tashkil etish taklifi rektor tomonidan qo‘llab-quvvatlandi va mas’ullagra talabalarning nazariy bilimlarini amaliyot bilan mustahkamlash maqsadida viloyatda faoliyat yuritayotgan klasterlar, shuningdek ishlab chiqarish tarmoqlari bilan kelishgan holda tashkil etish vazifasini yukladi.

Bugungi ochiq muloqotda prorektorlar, bo‘lim boshliqlari, kafedra mudirlari, rektor maslahatchisi, dekan o‘rinbosarlari va tyutorlar, profilaktika inspektorlari, psixologdan iborat jamoa  ham talabalar bilan bevosita muloqot olib borishdi.

Universitet rektorining talaba-yoshlar bilan ochiq muloqot uchrashuvlari davom etmoqda.

Ijtimoiy tarmoqlarda baham ko'ring