O‘zbekiston Respublikasi Korrupsiyaga qarshi kurashish milliy kengashi majlisining 2023-yil 23-avgustdagi 10-sonli bayonnomasi bilan tasdiqlangan “9-dekabr – Xalqaro korrupsiyaga qarshi kurashish kuni”ga bag‘ishlangan “Aksilkorrupsiya oyligi” doirasida o‘tkaziladigan tadbirlar rejasida tashkilot va ta’lim muassasalari tomonidan o‘z faoliyatlarida ochiqlikni ta’minlash, korrupsion xavf-xatarlarni oldini olish, ularni bartaraf etish kabi masalalarga bag‘ishlangan tadbirlarni o‘tkazish nazarda tutilgan.

Guliston davlat universitetida yuqorida keltirilgan topshiriqlar ijrosini ta’minlash maqsadida bir nechta tadbirlar o‘tkazildi.

Jumladan, 2023-yil noyabr oyining dastlabki kunlarida universitetning Filologiya, Tibbiyot, San’atshunoslik va Ishlab chiqarish texnologiyalari fakultetlarida “Korrupsiya va uning jamiyat taraqqiyotiga salbiy ta’siri” mavzusida profilaktik-targ‘ibot tadbirlari va davra suhbatlari tashkil qilindi. Tadbirga universitetning o‘quv ishlari bo‘yicha prorektori D.Turdiboyev, ma’naviyat va yoshlar ishlari bo‘limi boshlig‘i Sh.Abdurasulov, korrupsiyaga qarshi kurashish “Komplaens nazorat” tizimini boshqarish bo‘limi boshlig‘i B.Xamzayev va universitet profilaktika inspektori A.Usmonovlar taklif qilindi. Tadbirda so‘z olganlar oliy ta’lim muassasalarida professor-o‘qituvchilar va talaba-yoshlarning huquqiy savodxonligi va huquqiy madaniyatini doimiy oshirib borish, huquqbuzarliklarning har qanday ko‘rinishiga, ayniqsa korrupsiyaga qarshi murosasizlikka o‘rganish, korrupsiyaning har qanday ko‘rinishi davlat va jamiyat taraqqiyotiga to‘sqinlik qilishi, yoshlarning ayni vaqtda yaratilgan sharoit va imkoniyatlardan to‘g‘ri maqsad yo‘lida foydalanib, o‘z mutaxassisliklari bo‘yicha bilimlarni chuqur egallabgina jamiyat uchun kerakli kadr bo‘lib yetishib chiqishlari hususida fikrlarni bildirib o‘tdi. 

Shuningdek, “Aksilkorrupsiya oyligi” doirasida universitetning boshqa fakultetlarida ham tadbirlar o‘tkazilishi rejalashtirilgan.

B.Xamzayev

Korrupsiyaga qarshi kurashish  “Komplaens-nazorat” tizimini boshqarish  

bo‘limi boshlig‘i