Guliston davlat universitetida talabalarning oʻquv mashgʻulotlarida ishtiroki, talabalar turar joylaridagi sharoitlar hamda maʼnaviy-maʼrifiy sohalardagi faoliyat monitoring qilinmoqda
Guliston davlat universiteti rektori M.Xodjiyevning tegishli koʻrsatmasiga koʻra, fakultetlar kesimida talabalarning oʻquv mashgʻulotlarida ishtiroki, talabalar turar-joylaridagi sharoitlar hamda maʼnaviy-maʼrifiy sohalardagi faoliyat monitoringini oʻtkazish belgilangan. Navbatdagi bunday tadbirlar universitetning korrupsiyaga qarshi kurash “Komplayens nazorati” tizimini boshqarish boʻlimi boshligʻi B.Xamzayev tomonidan 2023-yil 29-noyabr kuni “Psixologiya va ijtimoiy fanlar” fakultetida olib borildi. Unda talabalarining oʻquv mashgʻulotlarida ishtiroki, talabalar turar-joyida yaratilgan sharoitlar hamda maʼnaviy-maʼrifiy sohalardagi faoliyat oʻrganildi.
Oʻrganish jarayonida talabalar bilan oʻquv mashgʻulotlarining olib borilishi, talabalarga yaratilayotgan sharoitlar va boʻsh vaqtlarida olib borilayotgan maʼnaviy tadbirlar haqida suhbat uyushtirildi. Suhbat davomida oʻquv mashgʻulotlari professor oʻqituvchilar tomonidan innovatsion pedagogik texnologiyalar boʻyicha olib borilayotganligi, oʻquv mashgʻulotlarida raqamli texnologiyalar, jumladan smart televizorlaridan unumli foydalanilayotganligini qayd qilindi.
Ijtimoiy tarmoqlarda baham ko'ring
