8-dekabr-Oʻzbekiston Respublikasi Konstitutsiyasi qabul qilingan qutlugʻ kun. Bugun Guliston davlat universitetining muhtasham Madaniyat saroyida mazkur sanaga bagʻishlangan bayram tadbiri boʻlib oʻtdi. Tadbirni universitet rektori M.Xodjiyev kirish soʻzi bilan ochib berdi. M.Xodjiyev oʻz chiqishida Oʻzbekiston Respublikasi Konstitutsiyasining qabul qilinishi tarixi, ushbu muhim qomusiy hujjat bilan bogʻliq muhim maʼlumotlar, Konstitutsiyadagi yangilanishlar va oʻzgarishlar borasida batafsil maʼlumotlar berdi. Shundan soʻng Davlat madhiyasi yangrab, tadbirning asosiy qismiga start berildi.
Tabrik uchun soʻz Sirdaryo viloyati prokurorining oʻrinbosari R.Quranboyevga berildi. R.Quranboyev oʻz nutqida jamoani bayram bilan samimiy tabriklab, talaba-yoshlarga oʻz konstitutsion huquqlaridan samarali foydalanishga chaqirib, Yangi Oʻzbekiston uchun munosib kadrlar boʻlib yetishish uchun tinimsiz oʻqib-izlanishlari lozimligi borasida fikr bildirdi.
Tadbir davomida 8-dekabr sanasiga bagʻishlab Sirdaryo viloyati prokuraturasi tashabbusi bilan tashkillashtirilgan viloyatdagi mavjud oliy taʼlim muassasalari talaba-yoshlari oʻrtasida oʻtkazilgan sport va intellektual mosobaqalar gʻolib va sovrindorlarini taqdirlash marosimi oʻtkazildi. Unda futbol, qizlar oʻrtasida volleybol, shaxmat, zakovat intellektual oʻyini va tasviriy sanaʼt turlari boʻyicha gʻolib va sovrindorlar medal va esdalik sovgʻlari bilan, shu bilan birga faxriy 1-oʻrin sohiblari esa Viloyat prokurori kubogi bilan taqdirlanishdi.
Tadbir davomida universitet professori R.Mahmudov so‘zga chiqib, Bosh qomusimizning mazmun-mohiyati, uni o‘rganish va targ‘ib qilish masalalariga batafsil to‘xtalib o‘tdi.
Tadbirning badiiy qismida Sanʼatshunoslik fakultetining ijodkorlari tomonidan bayramona kuy-qoʻshiqlar ijro etildi.