15-sentyabr kuni Guliston davlat universiteti Tabiiy fanlar fakulteti hamda Axborot texnologiyalari va fizika-matematika fakultetlari tashabbusi bilan “EKO-INNOVATION – 2025” ko‘rgazmasi o‘tkazildi.

Ushbu ko‘rgazmada universitet yosh olimlari, iqtidorli talabalar va izlanuvchan yoshlar o‘zlarining eng yaxshi ishlanma va loyihalarini taqdim etdilar. Ularning har bir loyihasi ekologik muammolarni hal qilishning innovatsion yondashuvlari bilan ajralib turdi: chiqindilarni qayta ishlash, yashil energiyadan foydalanish, tabiiy resurslarni tejash va atrof-muhitni muhofaza qilish bo‘yicha ilg‘or yechimlar ko‘rgazma mehmonlarida katta qiziqish uyg‘otdi.

Tadbir nafaqat ilmiy ishlanmalarni taqdim etish maydoni, balki yoshlarning ekologik tafakkurini shakllantirish, kreativ fikrlash va tashabbuskorlikni rag‘batlantirish uchun muhim bosqich bo‘ldi. Ko‘plab ishtirokchilar bu kabi loyihalar kelajak avlod uchun yanada toza, sog‘lom va qulay muhit yaratishga xizmat qilishini ta’kidladilar.

Guliston davlat universiteti jamoasi bunday tashabbuslarni qo‘llab-quvvatlashda davom etadi. Universitet kelgusida ham ekologiya, yashil texnologiyalar va innovatsiyalar yo‘nalishida yangi loyihalarni amalga oshirish, talabalar va olimlar uchun keng imkoniyatlar yaratishga bel bog‘lagan.

“EKO-INNOVATION – 2025” — bu nafaqat ko‘rgazma, balki kelajak uchun ekologik mas’uliyat va yangi avlod ilmiy-innovatsion tafakkurining boshlanish nuqtasi!

Ijtimoiy tarmoqlarda baham ko'ring