“INNOVATSION IQTISODIYOTGA O’TISH SHAROITIDA MILLIY IQTISODIYOTNING TARKIBIY TUZILMASINI TAKOMILLASHTIRISHNING USTUVOR YO’NALISHLARI” MAVZUSIDAGI RESPUBLIKA ILMIY-AMALIY ANJUMANI PRESS RELIZI

Jahon tajribasi barcha sohalarda sifatli o’sishni ta’minlovchi yangiliklarni uzluksiz tarzda amaliyotga joriy etish jamiyat va iqtisodiy rivojlanishning harakatlantiruvchi kuchiga aylanganligini ko’rsatmoqda. Bugun rivojlanishning innovatsion modellari va “aqlli” texnologiyalar amalga oshirilayotgan mamlakatlar eng muvaffaqiyatli va barqaror hisoblanadi. Bunday mamlakatlarning barqaror taraqqiyoti, ularning jahon bozorlarida raqobatbardoshligi tabiiy resurslarni eksport qilish va jismoniy mehnatdan foydalanishga emas, balki innovatsion g’oyalar va ishlanmalarga asoslanadi.

2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasida aholi farovonligini tubdan oshirish va turmush sifatini yaxshilash, jamiyat va davlatni har tomonlama hamda jadal rivojlantirish, mamlakatni modernizatsiya qilish va hayotning barcha sohalarini liberallashtirish bo’yicha aniq maqsadlar belgilab olindi. Boshqacha qilib aytganda, biz O’zbekistonni ishlab chiqarishda innovatsiya va intellektual hissaning yuqori ulushi bo’lgan barqaror bozor iqtisodiyotiga, zamonaviy va global bozorda raqobatbardosh sanoatga, shuningdek, qulay investitsiyaviy va ishchanlik muhitiga ega jadal rivojlanayotgan mamlakatga aylantirishimiz lozim. O’zbekiston Respublikasi Prezidentining 2017 yil 7 fevraldagi “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi va O’zbekiston Respublikasi Prezidentining 2017 yil 29 noyabrdagi “O’zbekiston Respublikasi Innovatsion rivojlanish vazirligini tashkil etish to’g’risida”gi Farmonlari, O’zbekiston Respublikasi Prezidentining 2017 yil 20 apreldagi «Oliy ta’lim tizimini yanada rivojlantirish chora-tadbirlari to’g’risida»gi PQ-2909-sonli, hamda “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora – tadbirlari to’g’risida” gi 2017 yil 27 iyuldagi PQ 3151 -sonli Qarorlarida ko’zda tutilgan vazifalardan kelib chiqqan holda “Innovatsion iqtisodiyotga o’tish sharoitida milliy iqtisodiyotning tarkibiy tuzilmasini takomillashtirishning ustuvor yo’nalishlari” mavzusida ilmiy –amaliy anjuman o’tkazish dolzarb ahamiyat kasb etadi. Innovatsion iqtisodiyotga o’tish sharoitida O’zbekistonda iqtisodiy o’sish sifatining yangi tarektoriyasini shakllantirish maqsadida iqtisodiyotning tarmoq, hududiy, takror ishlab chiqarish va ijtimoiy- iqtisodiy tarkibini o’rganish asosida uning tarkibiy tuzilmasining nazariy –uslubiy asoslarini takomillashtirish bo’yicha ilmiy –nazariy tavsiyalar va amaliy takliflar ishlab chiqish anjumanning asosiy maqsadi bo’lib hisoblanadi.

Anjumanga Iqtisodiyot va Innovatsion rivojlanish vazirliklarining hududiy bo’linmalari mutaxassislari, Oliy va o’rta maxsus ta’lim vazirligi vakillari, mamlakatimiz OO’Yularida mazkur sohada ilmiy izlanishlar olib borayotgan olimlar va professor-o’qituvchilar tashrif buyurishgan.

Anjuman kunlarida universitetda Sirdaryo viloyatida faoliyat ko’rsatayotgan korxona va tashkilotlarning innovatsion mahsulotlari ko’rgazmasi tashkil etiladi. Ko’rgazmadan Guliston davlat universiteti professor –o’qituvchilari va talabalari tomonidan yaratilgan innovatsion ishlanma va ixtirolarga ham keng o’rin beriladi.

Ilmiy –amaliy anjumanda quyidagi sho’’balar faoliyat ko’rsatadi:

1-     sho’’ba: Innovatsion iqtisodiyotga o’tish sharoitida milliy iqtisodiyotdagi tarkibiy o’zgarishlar tahlili va uning iqtisodiy o’sish sifatiga ta’siri.

2-     sho’’ba: Innovatsion iqtisodiyotga o’tish sharoitida milliy iqtisodiyotning tarmoq, hududiy va ijtimoiy-iqtisodiy tarkibi rivojlanishi tendentsiyalari va ustuvor yo’nalishlari.

3-     sho’’ba: Tarkibiy islohotlar milliy iqtisodiyotdagi makroiqtisodiy nomutanosiblikni bartaraf etish va unda samarali tarkibiy tuzilmani shakllantirish asosi sifatida.

4-     sho’’ba: Tarkibiy tuzilmada innovatsion mahsulotlar ulushini oshirish. Innovatsion iqtisodiyotni shakllantirishda oliy ta’lim tizimini isloh qilish, ta’lim sifati va samaradorligini oshirishning dolzarb masalalari.

5-     sho’’ba: Samarali takror ishlab chiqarish tuzilmasini shakllantirish va barqaror iqtisodiy o’sish sifatini ta’minlash maqsadida milliy iqtisodiyotning tarkibiy tuzilmasini takomillashtirishning ustuvor yo’nalishlari.

Anjuman doirasida faoliyat ko’rsatuvchi sho’’balarda 300 dan ortiq ma’ruzalar eshitiladi va muhokama qilinadi. Anjuman yakunida mamlakatimizda innovatsion iqtisodiy o’sishni sifat jihatdan yangi bosqichga ko’tarish, milliy iqtisodiyot tarmoq tuzilmasini raqobatbardoshlik nuqtai nazaridan yanada takomillashtirish bo’yicha taklif va tavsiyalar ishlab chiqiladi. Anjuman materiallari to’plam holida nashr qilingan.

Tashkiliy qo’mita manzili: 120100. Guliston shahar, 4-mavze, Guliston davlat universiteti, Ijtimoiy-iqtisodiy fakulteti binosi, 3-qavat, 315, 316-xonalar. Telefon: (0367) 225-48-61; Faks: (0367)225-40-42;Q998994708525 E-mail: akash7509@rambler.ru