O‘zbekiston Respublikasi Prezidenti huzuridagi Xavfsizlik kengashining 2021-yil 12-yanvardagi O‘zbekiston Respublikasi Prezidenti raisligida bo‘lib o‘tgan kengaytirilgan yig‘ilishida ta’lim muassasalarida yoshlar orasida ekstremizm g‘oyalariga berilishning oldini olish hamda ularni ilm-fan va kasb-hunarga qiziqtirishga qaratilgan tadbirlarni amalga oshirish maqsadga muvofiqligi ta’kidlangan edi.

Guliston davlat universitetida “Jaholatga qarshi ma’rifat” shiori ostida “Ilmdan boshqa najot yo‘q va bo‘lmagay” mavzusida uchrashuv bo‘lib o‘tdi.

Tadbirni universitet rektori maslahatchisi, professor Ravshanbek Mahmudov kirish so‘zi bilan ochdi va boshqarib bordi. Tadbirda O‘zbekiston Din ishlari qo‘mitasi Diniy-ijtimoiy jarayonlarni o‘rganish bo‘yicha mutaxassisi Nurillaxon Mukaramxonov qiziqarli ma’ruza qildi. Diniy ekstremizm, islom dinining ma’naviy-ma’rifiy ahamiyati to‘g‘risida talabalarga yetarlicha ma’lumot berdi. Tadbir qiziqarli, maqsadli, mazmunli o‘tdi.

Matbuot xizmati 

Ijtimoiy tarmoqlarda baham ko'ring