O‘zbekiston Respublikasi Prezidentining 19.05.2021 sanadagi PQ-5117-sonli “O‘zbekiston Respublikasida xorijiy  tillarni o‘rganishni ommalashtirish faoliyatini sifat jihatdan yangi bosqichga olib chiqish chora–tadbirlari to‘g‘risida”gi Qarorini ijrosini amalga oshirish maqsadida Guliston davlat universitetida “Til markazi” tashkil etildi.

Ushbu markaz faoliyatining asosini muhtaram Prezidentimizning  chet tili fanlari o‘qituvchilarinning xalqaro sertifikatga ega bo‘lishi lozimligi va bu orqali ta’lim sifatini yaxshilash borasidagi takliflarining amaldagi ijrosi sifatida Sirdaryo viloyatidagi barcha maktablarda ingliz tili o‘qituvchilari uchun 3 oyga mo‘ljallangan muddatli ustama va xalqaro sertifikatlar olishga tayyorlov kurslari tashkil etildi. Viloyatimizdagi barcha maktab o‘qituvchilarini ushbu maxsus tayyorlov kurslariga taklif qilamiz. Prezident Qaroriga binoan barcha  davlat idoralarida  xorijiy tillarni ommalashtirish bo‘yicha topshiriqlar ko‘zda tutilgan bo‘lib, viloyatimizdagi barcha idora va tashkilotlar xodimlarini 3 va 6 oylik, hamda bir yillik o‘quv kurslariga taklif qilamiz va biz bilan hamkorlikka chorlab qolamiz.  

Guliston davlat universiteti qoshidagi “Til markazi”da ingliz, nemis, koreys va rus tilidan o‘quv kurslari tashkil etildi. Har bir tinglovchi o‘zi istagan darajada til ko‘nikmalariga ega bo‘lishi mumkin. Har qanday soxa mutaxassislari xorijiy tillarda muloqot qilishi, ish faoliyatini xorijiy tilda erkin olib borishi, xorijiy va milliy sertifikatlarni tez va oson qo‘lga kiritishi uchun zarur shart-sharoit, bilim va tajriba kafolatlanadi.  Murojaat uchun telefon : +998933222315 Kuziyev Shavkat