Hokim yordamchilari va Mahallabay ishlash markazi xodimlari uchun seminar-trening oz ishini boshladi
GulDU - GULISTON DAVLAT UNIVERSITETI

Bizning shior: Universitet obro'si har bir professor o'qituvchi, xodim va talabaning or nomusi, iftixori va vijdon ishidir.           Asosiy maqsadimiz: Eng yetuk universitetlar qatoridan joy olish!           Ilm bir shu'la, dilga tushgan on Shunda bilursankim, ilm bepoyon...
Hokim yordamchilari va Mahallabay ishlash markazi xodimlari uchun seminar-trening oz ishini boshladi

2021-yilning 23-noyabr kuni Guliston davlat universitetining “Ma’naviyat va ma’rifat markazi”da  mahalla fuqarolar yig‘ini bo‘yicha  tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha hokim yordamchilari va Mahallabay ishlash markazi xodimlari uchun yangi joriy etilayotgan yangi tizimning tub mohiyati va samarali faoliyat ko‘rsatishi bo‘yicha seminar-trening va amaliy mashg‘ulotlarning hududiy birinchi bosqichi o‘z ishini boshladi.   

Vazirlik va idoralarning vakillari, Davlat boshqaruvi akademiyasi, Toshkent davlat iqtisodiyot universiteti va Toshkent moliya institutining professor-o‘qituvchilaridan iborat 20ta respublika trenerlari 23-27-noyabr kunlari Sirdaryo viloyatining 148ta hududiy trenerlari va mahallabay ishlash markazining 47ta xodimlariga seminar-trening va amaliy mashg‘ulotlar o‘tishadi.

Ushbu seminar-trening va amaliy mashg‘ulotlarda Iqtisodiy taraqqiyot va kambag‘allikni qisqartirish bosh boshqarmasi, Bandlik va mehnat munosabatlari boshqarmasi, Davlat soliq boshqarmasi, Fermer, dehqon xo‘jaliklari va tomorqa yer egalari Kengashi, Mahalla va oilani qo‘llab-quvvatlash boshqarmasi, Savdo-sanoat palatasi, Adliya boshqarmasi, davlat xizmatlari agentligi, Davlat aktivlarini boshqarish agentligi boshqarmasi, Iqtisodiy taraqqiyot va kambag‘allikni qisqartirish vazirligi huzuridagi Tadbirkorlikni rivojlantirish agentligi hududiy boshqarmasi, Davlat xizmatlarini rivojlantirish agentligi, Byudjetdan tashqari Pensiya jamg‘armasi hududiy boshqarmasi, Aksiyadorlik tijorat xalq banki, “Mikrokreditbank” asiyadorlik tijorat banki, “Agrobank” aksiyadorlik tijorat banki xodimlari ishtirok etishmoqda.

Mazkur seminar-trening va amaliy mashg‘ulotlarni yuqori saviyada o‘tkazish uchun Sirdaryo viloyati hokimining moliya, iqtisodiyot va kambag‘allikni qisqartirish masalalari bo‘yicha birinchi o‘rinbosari A.R.Karimov rahbarligida Guliston davlat universiteti rektori M.T.Xodjiyev o‘rinbosarligida hududiy shtab tashkil etilgan.

23-noyabr kuni Seminar treninglarning rasmiy ochilish bo‘lib o‘tdi. Unda Prezident huzuridagi Davlat boshqaruvi akademiyasi prorektori X.Azizov, viloyat hokimining o‘rinbosari A.Karimov va universitet rektori M.Xodjiyevlar nutq so‘zlashdi.

Seminar-trening va amaliy mashg‘ulotlarni yuqori saviyada o‘tkazish uchun barcha tegishli sharoitlar yaratilgan.

135 | 2021-11-23 14:44

Guliston davlat universiteti (GulDU)
Telefon: (0367) 225-40-42
Faks: (0367) 225-42-75

Manzil: Guliston sh. 4 mavze
Jamoat transporti: 2-4 yo'nalishdagi avtobus, universitet bekati
Email: glsu_info@edu.uz
Saytimizdan ma`lumot ko`chirilganda guldu.uz manba sifatida ko`rsatilishi shart.

Saytda xatolikni ko`rsangiz, xatoni belgilang va "CTRL+ENTER" tugmalarini bosib ma`muriyatga xabar bering!


Powered by Anvar Abduqayumov 2021