0‘zbekiston Respublikasi Prezidentining 2022-yil 5-apreldagi “Maktab ta’limini isloh qilish bo‘yicha yil boshida belgilangan topshiriqlar ijrosi, yil yakuniga qadar ustuvor vazifalar”ga bag‘ishlangan videoselektorda berilgan topshsiriqlar ijrosini ta’minlash maqsadida Guliston davlat universitetiga Guliston shahri va Guliston tumanidagi 52 ta umumta’lim maktablari biriktirilgan bo’lib, o’qituvchilarga ta’lim sifatini ko’tarishda metodik yordam berish asosiy  maqsad qilib qo’yilgan.

Shuningdek, o‘tgan o‘quv yili yakunlari bo’yicha past natijalar qayd etgan boshqa tumanlardagi maktablar muallimlariga metodik yordam ko’rsatish uchun Universitetda mobil guruhlar tuzilgan bo’lib, malaka oshirishda ko’mak berilmoqda.

2022-yilning 5-may kuni “mobil guruhi” a’zolarining Sirdaryo tumanidagi 7,25,27-umum ta’lim maktablari o’qituvchilari bilan uchrashuvi bo’ldi. Universitet rektori M.T. Xodjiyev va viloyat xalq ta’limi boshqarmasi boshlig’i O.Donaboyev may oyi davomida amalga oshiriladigan ish rejasini maktablar jamoalari bilan muhokama qildilar. Kafedra mudirlari va maktab rahbarlarining mas’uliyatiga alohida e’tibor qaratildi. “Yangi O‘zbekiston-maktab ostonasidan boshlanadi” shiorini amalga oshirish-bosh maqsad sifatida qayd qilindi.