Bugun jonajon diyorimizdagi barcha umumta’lim maktablarida so‘ngi qo‘ng‘iroqlar yangradi. Kuni kecha muhtaram Prezidentimiz Sh.Mirziyoyev maktab bitiruvchilariga o‘zlarining tabriklarini yo‘lladilar. Mazkur sana munosabati bilan Guliston davlat universiteti rektori M.T.Xodjiyev Guliston shahridagi 16-umumta’lim maktabida bo‘lib, “So‘ngi qo‘ng‘iroq” tadbirida ishtirok etdi. Tadbirda yurtboshimizning tabriklari o‘qib eshittirilgach, M.T.Xodjiyev bitiruvchilarni, ularning ota-onalarini, aziz ustozlarini tabrikladilar. Tabrik nutqida maktab bitiruvchilari hayotida ulkan mas’uliyatli palla-kasb tanlash borasida fikr bildirar ekanlar, M.T.Xodjiyev e’tiborni Guliston davlat universitetida ishlab chiqarish tarmoqlarining barcha bo‘g‘inlari uchun mutaxassislar tayyorlanayotganligiga qaratib, universitet hayoti bilan yaqindan tanishish niyatida bo‘lgan barcha bitiruvchilarni  oliygohga taklif qildi.

Ijtimoiy tarmoqlarda baham ko'ring