27 iyun - Matbuot va ommaviy axborot vositalari xodimlari kuni munosabati bilan “Universitet ovozi” gazetasi tahririyatida faol jamoatchi muxbirlarni taqdirlash marosimi o‘tkazildi. Tadbirda tahririyat xodimlari, keng jamoatchilik vakillari ishtirok etishdi.

Tadbirda bosh muharrir Munavvar Pardayev matbuotda, jumladan, “Universitet ovozi” gazetasi sahifalarida universitet hayotini yoritishdagi faolligi uchun bir guruh jamoatchi muxbirlar, jumladan, universitet fotolaboratoriya mudiri Dilshod Mahmudov, Pedagogika va psixologiya fakulteti Boshlang‘ich ta’lim yo‘nalishi 2-bosqich magistranti (bitiruvchi) Bahor Xolyigitova, Filologiya fakulteti O‘zbek tili va adabiyoti yo‘nalishi 2-bosqich talabasi Muslima Risqulova, Filologiya fakulteti O‘zbek tilli guruhlarda rus tili yo‘nalishi 2-bosqich talabasi Sitora Boboyevalarga tahririyat tashakkurnomalari, esdalik sovg‘alari va kitoblar jamlanmasini tantanali ravishda topshirdi.

Ijtimoiy tarmoqlarda baham ko'ring