Endilikda fuqarolar sudga murojaat qilish uchun idorama-idora yugurishi shart emas. Arizalarni onlayn tarzda yuborish, ish holatini kuzatish va hatto sud majlislarida masofadan ishtirok etish imkoniyati yaratildi.

Bu nima beradi?

Avvalo, vaqt tejaladi. Ikkinchidan, inson omili kamayadi, demak, adolatli qaror qabul qilish imkoniyati ortadi. Eng muhimi esa — shaffoflik ta’minlanadi.

Sud qarorlarining elektron bazada joylashtirilishi esa har bir fuqaro uchun ochiqlikni ta’minlaydi. Bu orqali jamoatchilik nazorati yanada kuchayadi.

Shuningdek, raqamlashtirish tadbirkorlar uchun ham katta yengillik yaratmoqda. Barcha huquqiy jarayonlar tezkor va qulay tarzda amalga oshirilmoqda.

Qisqacha aytganda, raqamli sud tizimi — bu faqat texnologiya emas, bu adolatni tezkor, oshkora va hammabop qilishga xizmat qiladigan muhim qadamdir.

Sirdaryo viloyati sudining sudyasi N.Sangirov

Ijtimoiy tarmoqlarda baham ko'ring