Xalqaro ta’lim dasturlari (Tempus, Erazmus plyus, Britaniya kengashi va boshqalar), xalqaro moliyaviy institutlar (BMT Rivojlantirish dasturi va boshqalar) va xorijiy davlatlar elchixonalari va vakolatxonalari (JICA, KOICA, ITEC va boshqalar), universitetlar va ilmiy markazlar bilan hamkorlik aloqalarini kengaytirish, o’quv va ilmiy grantlar olish bilan bog’liq faoliyat. 2020-2021yy

Guliston davlat universitetida Moskva davlat universiteti, Rossiya Fanlar Akademiyasining Evolyutsion ta’limot va genetika instituti, Sankt-Peterburg davlat universiteti, N. I. Vavilov nomli butun Rossiya ilmiy-tadqiqot instituti, Rossiya fanlari akademiyasining Zoologiya instituti, Kemerovo davlat universiteti, Biosalin xalqaro qishloq xo’jaligi markazi (ICBA), Qishloq xo’jaligi tadqiqot Xalqaro Markazi (ICARDA), Xalqaro Suv Resurslarini Boshqarish Instituti (IWMI) Germaniyaning Gyottingen universiteti hamda JIRCAS tashkiloti, Slovakiya qishloq xo’jalik universiteti, Qozon federal universiteti, Vladimir davlat universiteti, Italiya Respublikasining Rim shaxridagi Pezaro Qishloq xo’jalik agrotexnika va agrosanoat instituti, Italiyaning L’Akuila universiteti kabi oliy ta’lim, ilmiy-tadqiqot muassasalari va xalqaro tashkilotlari bilan imzolangan shartnomalar natijasida ilmiy hamkorliklar tobora rivojlanib bormoqda.

Shuningdek, 2020 yil 13 fevralda Malayziyaning Binary universiteti va Guliston davlat universiteti o’rtasida tuzilgan memorandum asosida Guliston davlat universiteti qoshida 2020-2021 o’quv yilida Iqtisodiyot yo’nalishi bo’yicha magistraturaning double diploma dasturi yo’lga qo’yildi.

Shuningdek, 2020 yilning iyun oyida O’zbekiston Respublikasining Indoneziya Respublikasidagi elchixonasi rahnamoligida Jakarta Qishloq Xo’jaligi Universiteti, Indoneziya Qishloq Xo’jaligi Vazirligi vakillari, Indoneziya Karantin Qo’mitasi vakillari, xamda O’zbekiston Respublikasi tomonidan GulDU, TDAU, O’zbekiston Respublikasi Karantin Qo’mitasi vakillari ishtirokida videoseminar tashkil etildi. Ushbu videoseminarda GulDU tomonidan Jakarta Qishloq Xo’jaligi Universitetining Tabiiy Fanlar fakulteti dekani bilan bo’lgan suhbatda qishloq xo’jaligi mahsulotlarini etishtirish va saqlash, oziq-ovqat texnologiyasi va xavfsizligi va tuproqshunoslik soxasida hamkorlikni yo’lga qo’yish, jumladan bakalavr, magistr, doktorantura soxasida akademik almashinuv, professor-o’qituvchilarning o’zaro almashinuvini yo’lga qo’yish istiqbollari o’rganib chiqildi. Bundan tashqari, universitet tomonidan kelajakda qo’shma dasturni yo’lga qo’yish xaqida 2021 yilning oktyabr oyida video yig’ilish o’tkazishga kelishib olindi. oliy ta’lim muassasalari talabalari o’rtasida o’tkaziladigan (IMC- International Mathematical Competition) onlayn tarzda o’tkazilgan xalqaro fan olimpiadasida universitetning matematika ta’lim yo’nalishi 2 nafar talabasining ishtiroki ta’minlandi va 2-kurs, 6e-19-guruh talabasi Abdushukur Ahadov faxrli 1-o’rinni egallab, oltin medal, 4-kurs, 5-17 guruh talabasi Jalilov Olimjon faxriy yorliq bilan taqdirlandi. O’zbekiston Respublikasi Fanlar akademiyasining V.I.Romanovskiy nomidagi Matematika instituti bilan tuzilgan hamkorlik shartnomasi asosida 2 nafar kafedra o’qituvchisini ilmiy izlanish uchun stajirovkaga yuborildi. O’zbekiston Respublikasi Fanlar akademiyasining V.I.Romanovskiy nomidagi Matematika instituti bilan o’zaro hamkorlik shartnomasi asosida onlayn tarzda ilmiy seminar tashkil qilindi (Seminarda fizika-matematika fanlari doktori, professor O’.Rozziqov ma’ruzasi tinglandi). Universitetda 2021 yil davomida ilmiy salohiyatni oshirish maqsadida, O’zbekiston Respublikasi Fanlar akademiyasi tarmoq institutlari bilan shartnomalar imzolanishi yo’lga qo’yildi.