Universitetda 14 yanvar “Vatan himoyachilari” kuni munosabati bilan o’tkazilgan “Yoshlar- Vatan qo’riqchisi!” shiori ostidagi kontsert dasturi o’tkazildi.

2018- yil 12- yanvar kuni Guliston davlat universiteti faollar zalida Guliston davlat universiteti ma’muriyati, O’zbekiston yoshlar ittifoqining Guliston davlat universitetidagi boshlang’ich tashkilot Kengashi, Universitet xotin-qizlar qo’mitasi, Guliston shahar bolalar shaharchasi bilan birgalikda “Yoshlar vatan qo’riqchisi!” shiori ostidagi konsert dasturi o’tkazildi.

Tadbirni Guliston davlat universiteti rektori M.T.Xodjiev kirish so’zi bilan ochib berdi hamda Vatanimizning mard va oliyjanob yigitlarini hamda matonatli, kuchli va jasur, el-yurt tinchligi, osoyishtaligini himoya qilishni muqaddas burch deb bilgan barchani 14- yanvar “Vatan ximoyachilari” kuni bilan samimiy muborakbod etdi.
Shundan so’ng “Vatan ximoyachilari” kuni munosabati bilan o’tkazilgan oylik doirasida tashkil etilgan tanlov va musobaqalarda faol ishtirok etgan va g’olib bo’lgan talabalarga universitet ma’muriyati tomonidan diplom va esdalik sovg’alari topshirildi.

Tadbir davomida Filologiya fakulteti, Jismoniy madaniyat fakulteti, Tabiiy fanlar fakulteti talabalari hamda universitetning “Bojalar” jamoasi tomonidan tayyorlangan bayram dasturi namoyish etildi.

Tadbirda 500 nafardan ortiq talaba yoshlar ishtirok etdi. Tadbir bayramona ruhda va ko’tarinki kayfiyatda bo’lib o’tdi.