9-fevral-gʻazal mulkining sultoni Mir Alisher Navoiy hazratlari tavallud topgan qutlugʻ sana hisoblanadi. Bugun Guliston davlat universitetining muhtasham Madaniyat saroyida mazkur sanaga bagʻishlangan maʼnaviy-maʼrifiy tadbir boʻlib oʻtdi. Tadbirni universitet rektori M.Xodjiyev kirish soʻzi bilan ochib berdi. Tadirda Oʻzbek adabiyotshunosligi kafedrasi mudiri, filologiya fanlari boʻyicha fan doktori (DsC), dotsent M.Mamatqulov soʻzga chiqdi.

Soʻzga chiqganlar Navoiy bobomizning ilmiy merosi, uning turkiy tilda yozilgan yagona “Xamsa” muallifi ekanligi, Navoiyning nazm va nasrdagi ijodi, shuningdek Alisher Navoiyning davlat arbobi sifatidagi faoliyati, unda bunyodkorlik, obodonchilik, shaharsozlik va adolatli jamiyatni barpo etishdagi xizmatlari toʻgʻrisida batafsil toʻxtalib oʻtishdi.

Tadbirning badiiy qismida Oʻzbek tili va adabiyoti taʼlim yoʻnalishi talabalari tomonidang Navoiy asarlari asosida sahnalashatirilgan badiiy chiqishlar namoyish etilib, buyuk mutafakkir ijodiga mansub gʻazal va ruboiylaridan namunalar yod aytildi.  Sanʼatshunoslik fakultetining ijodkorlari tomonidan Navoiy gʻazallariga bagʻishlgangan kuy-qoʻshiqlar ijro etildi.