Daraxtlar va butalarni kesishga ruxsatnoma olish uchun so‘rovnoma bilan Davlat xizmatlari Markazlariga fuqaroning o‘zi kelib murojaat etishi yoki Yagona interaktiv davlat xizmatlari portalidan foydalanishi mumkin.

Tabiiy omillar yoki o‘simliklar zararkunandalari, kasalliklari ta’sirida shikastlangan, quriyotgan yoki qurib qolgan, shuningdek odamlarning hayoti va sog‘lig‘iga, yuridik va jismoniy shaxslarning mol-mulkiga xavf solayotgan daraxtlar va butalarni kesish uchun ruxsatnoma to‘lovni amalga oshirmasdan beriladi.

Yuridik va jismoniy shaxsning mulki bo‘lgan va ular tomonidan yog‘och-taxta va hosil olish uchun ekilgan daraxtlar va butalarni(terak va tez usuvchi navlar, tut plantatsiyalari, mevali daraxtlar va butalar) kesishga ruxsatnoma talab etilmaydi.

Davlat o‘rmon fondiga kirmaydigan daraxtlar va butalarni ruxsatnoma olmasdan kesish taqiqlanadi.

Ruxsatnoma berish jarayonini amalga oshirishda, xududiy ekologiya va atrof muhitni muhofaza qilish organlari o‘z xulosalarini tumanlar(shaharlar) hokimliklariga yuboradi, tumanlar(shaharlar) hokimliklari Davlat ekologiya qo‘mitasi organlarining xulosalariga asosan ruxsatnomalar beradi. Ruxsatnomani berish sxema bo‘yicha amalga oshiriladi. Davlat xizmatlari ko‘rsatish uchun BHMning 30 foizi miqdorida yig‘im undiriladi.

Daraxtlarni, butalarni, boshqa o‘simliklarni va nihollarni qonunga xilof ravishda kesish, shikastlantirish, yo‘q qilish va boshqa joyga ko‘chirib o‘tkazish O‘zbekiston Respublikasining Ma’muriy javobgarlik to‘g‘risidagi kodeksiga muvofiq jarimaga sabab bo‘ladi.

Davlat o‘rmon fondiga kirmaydigan daraxtlar va butalarni kesish uchun xam ruxsatnoma talab etiladi.

Xususan fuqaro o‘z uyi atrofida o‘sib yotgan daraxt va butalar uning yashab turgan uyi, elektr liniyalari, tevarak atrof, uning sog‘lig‘i va boshqa turda zarar yetkazish xavfi mavjud deb hisoblasa, bu haqida Davlat xizmatlari Markazlariga kelib murojaat etishi yoki davlat xizmatlari portalidan ro‘yhatdan o‘tishi kerak.

Fuqaro ariza beryotganda so‘rovnomani to‘ldirishi, davlat xizmatini ko‘rsatilishi uchun yig‘imni to‘lashi kerak. O‘z navbatida DXM tomonidan mazkur so‘rovnoma tuman(shahar) hokimligiga va Davlat ekologiya qo‘mitasiga yuboriladi.

Davlat ekologiya qo‘mitasi 5 kun mobaynida daraxtlar va butalarni holatini, shuningdek ularning kesilishi bo‘yicha muvofiqligini o‘rganadi. Hamda tuman(shahar) hokimligiga, shuningdek DXMga yoki ariza beruvchiga davlat xizmatlar portali orqali ruxsatnoma berish uchun to‘lov miqdorini ko‘rsatgan holda xulosani yuboradi.

Ariza beruvchi 4 ish kuni mobaynida  ijobiy xulosa olingandan so‘ng xulosada ko‘rsatilgan miqdorda ruxsatnomani berish uchun to‘lovni amalga oshirishi zarur. Tuman (shahar) xokimliklari 1 ish kuni mobaynida Davlat ekologiya qo‘mitasi organining ijobiy xulosasi mavjud bo‘lganda ruxsatnomani berish uchun to‘lov to‘langanidan so‘ng ruxsatnomani rasmiylashtirib, o‘zining ERI bilan tasdiqlaydi. Ruxsatnomani DXMga (o‘zi kelib murojaat etgan taqdirda) yoki ariza beruvchiga(elektron tarzda murojaat etgan taqdirda) yagona iteraktiv davlat xizmatlari portali orqali yuboradi.

    Sirdaryo viloyat sudi sudyasi

    A.Suvonqulov            

Ijtimoiy tarmoqlarda baham ko'ring