Kirish

Kafedra mudiri: Mavlyanov Umid Nasriddinovich

Telefon raqami:   +998994771345

Elektron manzili: uz-falsafa.guliston@umail.uz

Qabul kunlari: seshanba, chorshanba, juma

«Milliy g’oya, ma’naviyat asoslari va huquq ta’limi» kafedrasining bosh ilmiy-tadqiqot mavzulari:

1. “Markaziy Osiyo mutafakkirlarining ijtimoiy-falsafiy merosini o’rganishning dolzarb muammolari”.

2. “Jamiyat taraqqiyotining zamonaviy bosqichida g’oyaviy, mafkuraviy, siyosiy va ijtimoiy-falsafiy masalalari”.

Kafedraning tarixi:

“Milliy g’oya, ma’naviyat asoslari va huquq ta’limi” kafedrasi 1966-1967-o’quv yilida Filologiya fakulteti tarkibida “Ijtimoiy fanlar” kafedrasi nomi bilan tashkil etilgan. 1972-1973 o’quv yilida “Ijtimoiy fanlar” kafedrasi “Falsafa va ilmiy kommunizm” kafedrasiga aylantirildi.1985-yili “Ilmiy kommunizm” kafedrasi mustaqil bo’lib ajralib chiqqach, “Falsafa” kafedrasi ilmiy ateizm, etika va estetika o’qituvchilarini birlashtirgan alohida kafedraga aylangan.Kafedradaga turli yillarda S.Jiyanxodjayev, A.Abulqosimovlar mudirlik qilgan. 1986-1991-yillarda dotsent B.Boboxonov, 1991-1994, 2001-2004, 2007-2009-yillarda dotsent O’.Begimqulov, 1994-1996, 2004-2007- yillarda dotsent R.Mahmudov, 1997-1998-yillarda dotsent A.Abdurasulov, 1999-2000-yillarda dotsent Sh.Yusupovlar mudirlik qilgan. 2009-yildan falsafa fanlari nomzodi, dotsent S.Ismoilov kafedra mudiri lavozimida ishlaydi. 2005 yilda kafedra “Milliy istiqlol g’oyasi va falsafa”, 2009 yilda “Milliy g’oya va falsafa” kafedrasi, 2013 yildan e’tiboran “Milliy g’oya, ma’naviyat asoslari va huquq ta’limi” deb nomlanib 2014-2016 yilgacha dotsent R. Mahmudov, 2016-2017 yillari f.f.n, dotsent S.Ismoilov, 2018-2021 yillari Sh.Kenjaev, 2021 yildan buyon PhD U.Mavliyanov kafedra mudiri lovozimida faoliyat yuritib kelmoqda.

Bugungi kunda kafedrada “5111600-Milliy g’oya, ma’navichyat asoslari va huquq ta’limi”, “Ijtimoiy ish (Oila va bolalar bilan)”, bakalavr yo’nalishi hamda “Ijtimoiy-gumanitar fanlarni o’qitish metodikasi (ma’navit asoslari)” mutaxassisligi bo’yicha magistr malakali kadrlar tayyorlanmoqda.

Kafedraning ilmiy faoliyati:

Kafedra professor-o’qituvchilari: 1974-yilda Sh.Yusupov «Ilmiy texnika progressining kolxozchi dehqonlarning ma’naviy qiyofasining o’zgarishiga ta’siri» mavzusida, 1980-yilda O’.Begimqulov “Fan-texnika taraqqiyotining jamiyat ijtimoiy tizimini o’zgartirishdagi roli (O’zbekiston misolida)” mavzusida, 1984-yilda B.Boboxonov “Milliy madaniyat va millatlararo munosabatlar” mavzusida, 1991-yilda R.Mahmudov “Husayn Voiz Koshifiyning axloqiy qarashlari” mavzusida, 2008-yilda S.Ismoilov “Naqshbandiya tariqatining tasavvuf taraqqiyotidagi o’rni” mavzularida nomzodlik dissertatsiyalarini himoya qilishgan.

Toshkent davlat pedagogika instituti, Buxoro davlat universiteti, Toshkent to’qimachilik va yengil sanoat instituti va boshqa o’nlab o’quv yurtlari bilan “Milliy g’oya” fani bo’yicha videokonferensiyalar o’tkazilgan.

Bundan tashqari kafedra dotsenti R.Mahmudovning «Husayn Voiz Koshifiy - axloqshunos olim» (1990 y.), “O’rta Osiyo mutafakkirlari axloq haqida” (1990 y.), “Navoiy va Koshifiy” (1990 y.) risolalari, va qo’llanmalari, falsafa fanlari nomzodi S.Ismoilovning “Bahovuddin Balogardon” (1994 y.), “Ma’naviyatning tiniq chashmalari” (1997 y, hammualliflikda), “Temur tafakkuri” (1999 y.), “O’zbekiston – buyuk siymolar yurti” (2006 y.), “Naqshbandiya buyuk tariqat” (2006 y.) risolalari nashr qilingan.

Bugungi kunda kafedra a’zolari tomonidan 60 dan ortiq fanlardan o’quv uslubiy majmualari zamonaviy axborot texnologiyalari asosda tayyorlangan. Kafedra professori R.J.Mahmudov tomonidan “Notiqlik san’ati va nutq madaniyati” fanidan darslik, “O’rta Osiyo allaomalarining ilmiy merosi”, PhD Sh.Kenjayevning “Yoshlar ma’naviyatini shaklllantirish asoslari”, “Maktabgacha ta’lim muassasalari tarbiyalanuvchilarini axloqiy tarbiyalashda ma’naviy-ma’rifiy ishlarning takomillashtirish”, “Yoshlarni axloqiy tarbiyalashda ma’naviy-ma’rifiy ishlar samaradorlgi”, B.G’ofurovning “Mirzo Boburning ijtimoiy-falsafiy qarashlari” nomli monografiyalari nashrdan chiqqan. Kafedra a’zolari tomonidan “Inson tafakkur olami” ilmiy maqolalar to’plamining uchta to’plami nashrdan chiqqan. Ayni kungacha kafedra a’zolarining 450 dan ortiq ilmiy maqolalari nashr etilgan. Jumladan professor R.Mahmudov, dotsent S.Ismoilov, PhD Sh.Kenjaev, kata o’qituvchi M.Olimova, o’qituvchilar D.Xolnazarova, A.Bayeshonov, S.Karimovalar tomonidan Xalqaro jurnallarda 40 dan ortiq maqolalari e’lon qilingan. Bir qator risolalari oily o’quv yurtlari, kasb-hunar kolleji, litsey, maktab talaba-o’quvchilari, o’qituvchilari uchun qo’llanma vazifasini o’tab kelmoqda.

Kafedra a’zolari O’zbekiston Fanlar akademiyasining I.M.Mo’minov nomidagi Falsafa va huquq instituti tomonidan har yili an’anaviy tarzda o’tkaziladigan “Mustaqillik: falsafaning dolzarb muammolari” mavzusidagi ilmiy anjumanda muntazam ishtirok etib keladilar. Kafedraning aksariyat a’zolari Moskva, Rostov, Bishkek, Almati, Xo’jand, O’sh, Jettisoy, Sulyukta shaharlarida o’tkazilgan xalqaro anjumanlarda, YuNESKO qarori bilan o’tkazilgan Ma’mun akademiyasining 1000 yilligi, “Alpomish” dostonining 1000 yilligi, Amir Temur tavalludining 670 yilligiga bag’ishlangan anjumanlarda ishtirok etganlar.

So’nggi yilda kafedra tomonidan “Falsafaning dolzarb muammolari”, “Ma’naviyatshunoslikning dolzarb muammolari” mavzusida respulika ilmiy amaliy anjumani, “Markaziy Osiyo uyg’onish davri ilm-fan va madaniyatini tadqiq etishning dolzarb muammolari” mavzusida xalqaro ilmiy anjuman tashkil etildi. Shuningdek, Mirzo Ulug’bek nomidagi O’zbekiston Milliy universiteti “Falsafa va ma’naviyat asoslari” kafedrasi bilan hamkorlikda “Kafedra kunlari” va master klass darslari tashkil tashkil etib boriladi. Kafedra professor o’qituvchilari tomonidan 40 ga yaqin monografiyalar chop etilgan.

Kafedra qoshida “Tafakkur” (rahbari – dotsent S.Ismoilov), “Yosh huquqshunoslar” (rahbari–D.Xolnazarova), “Ijtimoiy ish volontyorlari” (rahbari – S.Shukurova) kichik maktablari faoliyat ko’rsatadi.

Kafedraning ilmiy hamkorligi va axborot resurs bazasi:

“Milliy g’oya, ma’naviyat asoslari va huquq ta’limi” kafedrasi O’zbekiston Fanlar akademiyasining I.M.Mo’minov nomidagi Falsafa va huquq instituti, O’zbekiston Milliy universiteti, Sharqshunoslik instituti kabilar bilan yaqin hamkorlik qilib keladi, birgalikda ilmiy anjumanlar, seminarlar uyushtiradi. Bundan tashqari, Toshkent davlat pedagogika universiteti, Toshkent iqtisodiyot universiteti, Toshkent davlat sharqshunoslik institutii, Toshkent islom universiteti, Andijon, Farg’ona, Urganch, Buxoro, Samarqand universitetlari, Qo’qon, Jizzax, Navoiy, Chirchiq davlat pedagogika institutlari, O’zbekiston Respublikasi Prezidenti huzuridagi Davlat va jamiyat qurilishi akademiyasi, Respublika Ma’naviyat va ma’rifat kengashi va Milliy g’oya va mafkura ilmiy-amaliy markazi bilan uzviy aloqa o’rnatgan. Kafedra Sirdaryo viloyati amaliyotlar boyicha Xalq ta’limi, Maktabgacha tarbiya boshqarmasi, Sirdaryo viloyati bandlik bosh boshqarmasi, Ma’naviya-ma’rifat markazi Sirdaryo viloyati boshqarmasi, Akademik litseylar, Byudjetdan tashqari pensiya jarg’armasi viloyat boshqarmasi bilan hamkorlik qilib kelmoqda.

Kafedrada tayyorlangan o’quv va elektron adabiyotlar:

Kafedrada mavjud 60 ta o’quv fanlarining 58 tasidan o’quv uslubiy majmua va 3 ta: “Notiqlik san’ati va nutq madaniyati”( prof. R.Mahmudov), Ma’naviyatshunoslik (A. Bayeshonovv), Ma’naviyat asoslari (falsafa fanlari nomzodi S.Ismoilov) va “Madaniyatshunoslik”                     (PhD Sh.Kenjayev), “Sotsiologiya” (dots. N.Temirova), “Tasavvuf etikasi” (falsafa fanlari nomzodi S.Ismoilov), “Jahon mamlakatlari konstitutsiyaviy huquqi” (D.Xolnazarova), “Oila huquqi” (M.Botirov), “Umumiy o’rta ta’lim maktablarida tarbiya fanini o’qitish metodikasi” (X.Suvonqulov) fanlaridan  o’quv qo’llanma yaratilgan.

Kafedra manzili:

Guliston shahri. 4-mavze, Guliston davlat universiteti, bosh bino , 3-qavat, 334-xona.

Elektron pochta: uz-falsafa.guliston@mail.ru, milliy_goya@inbox.uz