Юртимизда тарихий обидалар, муқаддас қадамжолар, зиёратгоҳлар, азим шаҳарлар-у, сўлим масканлар жуда кўп. Бугунги кунда мамлакатимизда туризм соҳасига катта эътибор қаратилаётгани сабабли бу масканлар янада чирой очиб юртимиз аҳли ва чет эллик сайёҳларни ўзига чорламоқда. Гулистон давлат университети талабалар ҳам муқаддас қадамжолар ва азиз-авлиёларни зиёрат қилиш, мустақиллик йилларида бунёд этилаётган иншоатларни кўриш мақсадида “Ўзбекистон бўйлаб саёҳат қил!” шиори остида қадимий Самарқанд шаҳрига саёҳат уюштиришди. Саёҳат давомида талабалар “Имом Бухорий” зиёратгоҳи,  Ўзбекистон Республикасининг биринчи Президенти Ислом Каримов мақбараси, “Гўри Амир” мақбараси, Регистон майдони ва бошқа зиёратгоҳлар ҳамда янги ташкил этилган ҳиёбонларни томоша қилишиб маданий ҳордиқ чиқаришди.

Share on social networks