2018 йил 23 май куни Гулистон давлат университети маданият саройида профессор-ўқитувчилар ва талабалар ўртасида “Коррупцияга қарши курашишнинг долзарблиги” мавзусида йиғилиш ўтказилди.

Йиғилишни Маънавий-маърифий ишлар бўйича проректор Р.Маҳмудов олиб борди. Йиғилишда Сирдарё вилояти бош имом хатиби М.Усмонов иштирок этди.

Йиғилишда сўзга чиққанлар Юртимизга рўзаю-рамазон ойи кириб келгани, бу ой поклик, ҳалоллик, эзгулик улашувчи ой ҳисобланиши, турли мамлакатлардаги урушлар ҳам, номақулчиликлар ҳам бу ойда тўхтатиб турилгани ҳақида гапирди. Шунингдек, ҳар бир инсон ҳалол билан ҳаромни,  гуноҳ билан савобни фарқига бориши лозим. Талабаларнинг ҳаётга онгли муносабатини, дунёда ва мамлакатимизда содир бўлаётган ўзгаришларга дахлдорлик туйғусини кучайтириш тобора долзарб аҳамият касб этаётгани, бу борада ёшларимиз ўзларининг зеҳнли ва зукко, ҳушёр эканликларини доимо намоён этишлари зарурлигини таъкидлаб ўтди ҳамда энг катта жиноят, гуноҳ бу таъмагирлик, порахўрлик, пора бериш, воситачилик эканлиги, муқаддас китобларда ҳам порахўрлик, таъмагирлик ва пора бериш кечирилмас гуноҳ эканлиги қайд этилганлиги, бу иллатнинг саобий оқибатларини ҳаётий мисоллар билан тушунтириб беришди.

 Йиғилиш давомида одоб масаласига тўхталиб, аллоҳ ҳам, одамлар ҳам яхши кўрадиган фойдали одатлар бу одоб эканлиги, одоб муҳим қоидалардан ва чиройли сўзлардан иборатлиги, саломлашиш одоби, сўзлаш одоби, меҳмон кутиш одоби, кийиниш одоби, овқатланиш одоби, ухлаш одоби каби одоблар ҳақида гапирилди.

Мазкур тадбирда 265 нафар профессор-ўқитувчилар ва 130 нафар талабалар иштирок этди.