1-октябрь “Ўқитувчи ва мураббийлар куни” умумхалқ байрами муносабати билан университетда талабалар ўртасида “Ректор кубоги” спорт мусобақалари ўтказилади.

Спорт мусобақалари 2018 йил 24-28 сентябрь кунлари   спортнинг футбол,  волейбол, стол тенниси ва шахмат турлари бўйича ўтказилади.

Ғолиб жамоалар университет маъмурияти ва Ёшлар иттифоқи университет бошланғич ташкилоти томонидан Диплом ва эсдалик совғалари билан мукофотланади.

Ҳурматли талабалар, спорт мусобақаларида фаол иштирок этишингизни сўраймиз.

1. Мусобақаларнинг мақсад ва вазифалари:

-        универерситетда спорт-соғломлаштириш ишларини янада оммавийлаштириш;

-        талабаларнинг саломатлигини мустаҳкамлаш, соғлом турмуш тарзини тарғиб қилиш, фаол дам олишни ташкиллаштириш;

-        спорт турлари бўйича энг кучли факультет терма жамоаларини  аниқлаш;

2. Мусобақаларни ўтказиш вақти ва жойи:

Мусобақалар 2018 йилнинг 24-28 сентябрь кунлари белгиланган спорт иншоотларида ўтказилади.

3. Мусобақа қатнашчилари:

Мусобақаларда университет факультетларининг  кундузги бўлимида таҳсил олаётган барча талабалар.

4. Мусобақалар устидан раҳбарлик:

Мусобақалар устидан раҳбарлик ва ҳакамликни ташкил этиш Жисмоний маданият факультети декани, “Жисмоний маданият назарияси ва методикаси” ва “Факультетлааро жисмоний маданият ва спорт” кафедралари профессор-ўқитувчиларига юклатилади.

5. Мусобақаларни ўтказиш тизими:

Мусобақалар спорт турлари бўйича тасдиқланган қоидалар асосида, “Чиқиб кетиш” тизимида ўтказилади. Асосий вақт дурранг натижа билан якунланса, қўшимча вақт белгиланади.

6. Қуръа ташлаш:

Қуръа ташлаш 2018 йил 24-сентябрь куни Жисмоний маданият факультети  биносида соат 15-00 да бўлиб ўтади.

7. Ғолибларни тақдирлаш:

Мусобақа ғолиблари хомийлар ва масъуллар томонидан таъсис этилган қимматбахо совринлар билан мукофотланадилар.

Т А Ш К И Л И Й  Қ Ў М И Т А