jtimoiy tarmoqlarda Guliston davlat universitetida oliy ta’limdan keyingi ta’limga qabul qilish uchun o‘tkazilayotgan imtihonlar yuzasidan berilgan ma’lumotlarga nisbatan universitet quyidagicha munosabat bildiradi: O‘zbekiston Respublikasi Vazirlar Mahkamasining 2017-yil 22-maydagi “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi 304-sonli Qarori hamda O‘zbekiston Respublikasi Innovatsion rivojlanish vazirligining 2022-yil 10-noyabrdagi 01-10/6415-sonli xati ijrosini ta’minlash hamda Guliston davlat universitetida oliy ta’limdan keyingi ta’limga qabul qilish uchun talabgorlardan olinadigan imtihonlarni shaffof o‘tkazish maqsadida inson omilisiz-test ko‘rinishida olinishi belgilandi. Ushbu imtihonlarni nazorat qilish va adolatli o‘tkazish maqsadida universitet rektorining joriy yil 11-noyabrdagi 755-k–sonli buyrug‘i bilan ishchi guruh tuzili.

Ishchi guruhga universitetning tegishli bo‘lim boshliqlari va rektor maslahatchisi kiritildi.

Shaffoflikni ta’minlash maqsadida barcha uchun umumiy bo‘lgan imtihon dasturi va test savollari xamma uchun tanishib chiqish maqsadida universitetning rasmiy telegram kanali https://t.me/gulduuz va rasmiy veb-sahifasi www.guldu.uz ga joylashtirildi.

Ilmiy ishlar va innovatsiyalar bo‘yicha prorektor test savollarini tuzmagan. Jami savolnomani kafedra mudirlari tuzib chiqib 12-noyabr kuniga qadar rasmiy saytga joylashtirish bo‘yicha ko‘rsatma bergan.

Savollar test variant ko‘rinishiga test sinovlari o‘tkazlildigan kundan bir kun oldin ishchi guruh tomonidan o‘tkaziladi va muhrlanadi. Barcha jarayonlar videotasvirga olinadi.

Imtihon bo‘ladigan kun video kuzatuv o‘rnatilib on-line translyatsiya qilinadi.

Undan tashqari bildirilgan fikrlar yuzasidan imtihon jarayonlarini adolatli va shaffof o‘tkazish uchun nazorat yanada kuchaytiriladi hamda ushbu masalada imtihonlarni adolatli o‘tkazishda barcha bilan xamkorlik qilishga tayyormiz.