Жорий йил 20 апрель куни режага биноан соат 09-00 да университетга Европа Иттифоқининг “Ўзбекистон қишлоқ ҳудудларини барқарор ривожлантириш” Халқаро экспертлари:   Июлиана Григориу / Вито Марега ва минтақавий эксперт (local expert) Умид Сайфуддиновлар ташриф буюришди. Меҳмонларни университет Гулистон давлат университети (координатор проф. Кушиев Х.Х.) ва Халқаро алоқалар бўлими ходими Абдунабиев Б.А. кутиб олди. 09-30 да университет бош биносининг мажлислар залида «Халқаро Стандарт ва Сертификатларнинг мева етиштириш ва қайта ишлашдаги ўрни ва аҳамияти» мавзуси  бўйича тақдимот асосида семинар ташкил этилди. Ушбу семинарда Биология кафедраси профессори. Х.Кушиев, Халқаро алоқалар бўлими ходими Абдунабиев Б.А, университетдан 9 нафар (профессор-ўқитувчилар, докторант-тадқиқотчилар, лаборатория ходимлари ва талабалар), вилоятнинг 16 нафар фермер хўжаликлари раҳбар ва ходимлари иштирок этишди.

Июлиана Григориу Озиқ овқат хавфсизлиги тамойилларини ҳўл мева етиштириш жараёнига тадбиқ этиш, тўғрисида тақдимот қилиб берди. Хусусан, тақдимот давомида олтита асосий соҳалар: 1. Халқаро стандартлар-HACCP, GAP, Fair Trade, Natural/Wild. 2. Ҳўл мева етиштириш жараёнида сифатни назорат қилиш ва таъминлаш. 3. Озиқ овқат хавфсизлиги тамойилларини ҳўл мева етиштириш жараёнига тадбиқ этиш. 4. Боғдорчилик йўналишида халқаро стандарт ва сертификатлар ўрни ва ахамияти. 5. HACCP, GAP, Fair Trade, Natural/Wild стандартларининг аккредитация жараёни. 6. Мева етиштирувчилар ва уларни қайта ишловчиларни халқаро стандартлар аккредитциясига тайёрлаш. Шунингдек, иккинчи маърузачи халқаро экспертлари Вито Марега томонидан Сирдарё Кимё лабораторияларида олиб борилган тадқиқот ишлари ҳақида маълумот берди.

Университетга ташриф буюрган меҳмонлар шу куни соат 17-00 да тадбирни якунлашди.

Халқаро алоқаларбўлими

Б.Абдунабиев